अनूठी पहल, राजस्थानी भाषा मायं समाचार भेजणा शुरू

झुंझुनूं, झुंझूनूं सूचना एवं जनसंपर्क कार्यालय एक नवाचार क तहत राजस्थानी भाषा मायं समाचार भेजणो शुरू करयो ह। ई पहल पर जिला कलक्टर लक्ष्मण सिंह कुड़ी शुभकामना दी ह। जिला जनसंपर्क अधिकारी हिमांशु सिंह बतायो कि इ पहल स्यूं राजस्थानी भाषा मायं छपण आरा अखबार और पत्रा-पत्रिकावां मायं जिला न मौकळो प्रतिनिधित्व मिलसी। गौर करण आरी बात आ ह कि झुंझुनूं जिलो शेखावाटी और पूरे सूबा मायं आपरी भाषा अर संस्कृति म्हं अलग पहचाण राखे ह। जिलो अनेक साहित्यकारां री जन्मस्थली और कर्मस्थली रहयो ह।